مع انطلاق شرارة ريادة الاعمال و انتشار افكار البيزنس الخاص بين الناس ... بدا يظهر مشروعات كتير عندها منتجات وخدمات تحمل قيمة حقيقية للناس ... لكن للاسف اصحاب البيزنس بيبقوا غير قادرين على اظهار القيمة دى بشكل يليق بالمنتجات والخدمات اللى بيقدموها ...

ناس كتير جدا لما بتحب تعلن عن منتجاتها وخدماتها ... بتنقل من اعلانات سابقة تكون عدت عليهم اثناء تصفحهم على مواقع التواصل الاجتماعى ... اسهل حاجه انك تنقل... انك تعمل (كوبي-بيست) لإعلان شوفته وعجبك فا تغير بس اسم المنتج وبعض التفاصيل.. و تنشر اعلانك ... وتفضل منتظر انه يحققلك مبيعات .. لكن للاسف مش بيحصل ..

السبب فى كده هو ان صفحات الفيسبوك ومواقع الانترنت امتلئت عن اخرها بنفس الاسلوب الاعلانى المتكرر بشكل ممل ... العميل المنتظر اول ما بيشوف الاعلان المكرر .. غالبا نسبة انه يكمل قراءة التفاصيل بتكون ضعيفة جدا ... ببساطة لان الاعلان المكرر مش بياخد انتباهه انه يعرف اكتر عن المنتج او الخدمة ... و بالتالى بتنعدم فرصة انه يتحول لعميل يشترى الخدمة أو المنتج اللى بتقدمه...

واحد من أساتذة التسويق والاعلانات فى العالم ... "راى ادوارد" بيقول انه مفيش غير ثانيتين فقط اللى ممكن تلحق فيهم تجذب انتباه القارئ اللى عينه وقعت على الاعلان بتاعك ... هى دى الفترة الوحيدة المتاحة اللى خلالها القارئ هياخد قرار انه يكمل او ميكملش قراءة اعلانك ... لو القرار كان انه ميكملش ... ده معناه ان كل مجهودك محدش هياخد باله منه اساسا ...

اهلا بيك

انا احمد يسرى ... هساعدك ان البيزنس بتاعك يكبر ويحقق اقصى معدلات المبيعات من خلال اعلانات او

Sales Pages

بطريقة كتابة مبتكره و جذابه باستخدم فيها اقوى وسائل الاقناع و التاثير علي السلوك بشكل سيكولوجى مؤدي في النهاية لاتخاذ قرار الشراء ... للعملاء المتوقعين ايا كان نوع المنتج او الخدمة اللى بتقدمها ... و بغض النظر عن حجم البيزنس بتاعك ..

لو عندك منتج او خدمه في احتياج ليها عند الناس... بس حاسس انك مش متشاف في السوق .. بالرغم من القيمة اللي بتقدمها ... يبقي انت محتاج تطبق نظرية اللوووووووز

كلاود هوبكين ...اللي يعتبر واحد من عمالقة التسويق والاعلانات .. قال فى كتابه الشهير

Scientific advertising

ان معظم الحملات الاعلانية بتفشل بسبب من اتنين ... السبب الاول ان الاعلانات تكون معموله لمنتج اصلا مفيش عليه طلب من الناس ... حاجه مفيش احتياج ليها متعملش عليها تقييم بشكل مظبوط لاختبار مدى الطلب عند الشريحة المستهدفة ..

السبب التاني ان المنتج او الخدمه اللى بتتقدم عليها طلب كويس ... لكن لم يتم الاعلان عنها بشكل صحيح .... بمعنى ان المواد التسويقية اتعرضت على الشريحة المستهدفة بدون الاعداد للاعلانات باهتمام و بشكل غير تقليدى ....

ممكن تكون كواحد صاحب بيزنس عرضت المنتج بتاعك وعرضت مزاياه و القيمة اللى هيحصل عليها العميل ولكن بطريقه تقليدية مملة او بشكل مباشر جدا مما تسبب ان نسبة كبيرة من العملاء المستهدفين لم يهتموا اصلا بقراءة كل التفاصيل اللى قدمتها...

فاكر بياع السوداني اللى كان بيقف على ناصية الحاره كان بينادى بيقول ايه .... اللووووووووووووز ... بالرغم ان كلنا كنا عارفين انه بيبيع سودانى ... بس هو بيعرض منتجه بشكل حلو و شيق و جذاب ... كانه بيقولك تعالى جرب السودانى اللى طعمه لذيذ اوى زى اللوز ... ببساطه كده؟ ... اه ببساطه كده ...

انت محتاج متخصص اعلانات بيعرف ينتقى الكلمات و يأثر في مشاعر العميل المستهدف و يعرض منتجك بشكل شيق يخلى الناس تضغط على اللينك

Order Now

و هم متأكدين من القيمة اللى هيلاقوها بعد حصولهم على المنتج او الخدمة بتوعك

من هو احمد يسري ؟

ببساطة : أحمد يسرى هو

Copywriter

بيكتب إعلانات و مواد تسويقية بشكل حر باللغتين العربية و الانجليزية

الاعلانات والمواد تسويقية باكتبها لاستهداف غايتين فقط

أولا: تعظيم نسبة مبيعاتك وارباحك من خلال

Advertising or Sales pages

ثانيا: تقديم البيزنس بتاعك لجمهورك بشكل رائع وجذاب

و لله الحمد حاصل على ماجيستير ادارة الاعمال سنة 2012..... بالاضافه لانى باشتغل مهندس فى احدي الشركات العاملة في مجال البترول والغاز الطبيعي...

طبعا هتسألنى ايه علاقة الشغل فى البترول وكتابة الاعلانات ..... الاجابه فى كلمتين اتنين بس .... السفر و الصحراء

السفر الكتير لدول وثقافات شعوب مختلفة والتعرض لكمية كبيرة من الخبرات و الاحتكاك بانماط غير تقليدية للحياه على ظهر هذا الكوكب الواسع .... خلى عندى مخزون هائل من الافكار و قدره على ربط الامثله الواقعية بانواع المنتجات و الخدمات المتنوعة .... و وضعها فى الاعلانات على هيئة كلمات غير متكلفه تسبح بشكل سهل وسلس لعقل القارئ و تشجعه انه يكمل قراءة الاعلان الى اخر كلمة من غير ما يزهق و كمان ياخد الخطوة المطلوبة وهو انه يشترى او يحجز او يطلب المنتج و الخدمة اللى بتقدمها ....

الصحراء .... واللى بيبقي فيها معظم مشروعات البترول .... الصحراء مصدر الالهام ... حاله غير طبيعية من الهدوء و الجمال والنقاء العقلي .... وجودي فى الصحراء لفترات مش قليلة بيسهل عليا كتير فى انى اقدر اصيغ افكارى بسهولة على الورق .....

احلى واجمل واقوى اعلانات كتبتها اثناء تنفيذ مشاريع فى الصحراء ....كتابة الاعلانات غيراى نوع اخر من الكتابة لانها بتحتاج ابداع و ابتكار ... و الاجواء الابداعيه بتبقى فى اعلى معدلاتها فى الاماكن الهادية زى الصحراء الملهمه .....

ليه هتختار أحمد يسرى تحديدا عشان يكتبلك اعلاناتك ؟

لانى مش مجرد واحد بيكتب اعلانات ... انا شخص شغوف جدا بمجال البيزنس و ريادة الاعمال وشايف ازاى السوق مليان ناس مبدعه وافكار هايلة جدا بس مش متسوقه بشكل كويس يليق بيها .. هاشتغل معاك على اعلانك بحب واهتمام وشغف كما لو انه البيزنس بتاعى شخصيا

دراستى لماجيستير ادارة الاعمال خلتنى ملم بأصول التسويق و الاعلانات .. ده غير قراتى للعديد من كتب الاعلانات والتسويق الكلاسيكية والحديثة

قبل ما نبدأ فى اى خطوه هتشوف أمثلة من اعلانات و مواد تسويقية كتبتها قبل كده عشان تتخيل الشكل النهائى هيبقى عامل ازاى بعد الانتهاء من الاصدار النهائى للاعلان

ايه هى أنواع الخدمات اللى ممكن أحمد يسرى يقدمهالك ؟

50 $ (USD) for Facebook Ad

........................................................................

100 $ (USD) for Sales page on Website

........................................................................

مجموعة خدمات

Launch

... المناسبة تماما لحملات إطلاق المنتجات او الخدمات الجديدة ... 175 دولار..

( بيحتوى على كتابة 2 اعلان + Sales Page )

.....................................................................

ابعتلنا رسالة على الموقع دلوقتى .... هنحدد ميعاد و نتكلم سوا عن تفاصيل الاعلان اللى عايز تكتبه .... زود ارباحك و اهتم بمسؤول المبيعات الاول عندك (اعلان المنتج او الخدمة) اللى بيشتغل 24 ساعه فى اليوم حتى من غير متابعتك ....

مستنى رسالتك .. أحمد يسرى